Комсомол муниципаль округы Урмай авылында яшәүче хөрмәткә лаек җитәкчебез КАМАЛДИНОВ Фәниз Хасиятулла улының 60 яшьлек юбилее.🎈

Хөрмәтле Фәниз Хасиятуллович! Сезне чын күңелдән истәлекле бәйрәмегез белән тәбрик итәбез! Гадел җитәкче булу һәм туплаган дус командага ихтирам белән карау һәр җитәкчегә дә бирелми. Без, сезнең кул астында эшләүчеләр, бу яктан бик бәхетле. Үз эшенең остасы булу, заман сулышын тоеп, дөрес юл белән алга атлау – бу чын талант! Сез хезмәткәрләрегезнең һәркайсына аерым ихтирам күрсәтеп, гадел җитәкче булуыгыз белән безнең ихтирамны яулаган мөхтәрәм зат. Сез үзегезнең коллективта тоткан урыныгыз, матур эш нәтиҗәләрегез, тату гаиләгез булу белән горурлана аласыз. Киләчәктә дә башкарган хезмәтегез бары тик уңышлар гына китерсен. Якты уй-теләкләрегез тормышка ашсын. Туар таңнарыгыз якты, сәламәтлегегез ныклы, гомерегез бәхетле узсын. Һәрвакытта да игелекле, изгелекле булып калыгыз. Гаилә бәхетегез түгәрәк булсын. Тәҗрибәле һәм оста җитәкче буларак, Сез киләчәктә дә планнарыгызны, уйларыгызны уңышлы тормышка ашырырсыз, дип ышанабыз.🤲🏻🎁

Күпме булса җирдә изге теләк, 

Без телибез Сезгә барысын да. 

Ак чәчәкләр кебек, бәхет яусын 

Туар һәрбер көннең таңында. 

Күңел күге һәрчак аяз булсын, 

Читләп үтсен сагыш-борчулар. 

Ныклы сәламәтлек юлдаш булсын, 

Аннан кадерлерәк нәрсә бар?

Иң изге теләкләр белән Урмай авылының урта мәктәбе коллективы.